Lalpa thatna zara beiseina


Pathien ringtu le Pathien malsawmna dawngtu hai Ama zara vawisun hmang thei le beiseina a hmatieng mi thuoitu, Lalpaa ringna neitu chu tlang sukhning thei ruollo; a sun a zana anni vengtu ding le hliekhuo dinga in tiem zing, an thlahai chen ta dinga malsawmna, an lampuia dingin var, harsatna le beidawngna tuokchang khawma a mihai vela um zing hlak, ei suol in tlan dinga hnuoia ran bu pekna thlenga tlawm taka mi hung zawngtu, Calvary thing cross lera muolphotaka Pa le inrem nawk thei dinga ei aia mi thi pek a, ni thum hnunga ropui taka tho nawk a mi sandamtu, hmatienga beiseinaama zara chaua nei thei ei ni zie hi ei ngaituo hlak dim chu?

Zantieng vawikhat chu Indian Air Force officer pakhat hin India AirBase kan umna bula mi inspection a hung nei na ah kan college a EU member pali hai hmu dingin a mi hung kana chu zantieng chun Bible study kan lo nei hlak angin a mi nei pui a, ama khawm chu a lekha in chuk laia EU lo ṭhangve hlak ani leiin EU umna hmuna chun Bible study a nei pui hlak thu hrilin sawtnaw te hun a mi nei pui tawla, chu zantieng chun Isu in aṭhuoihruoi hai a ko lai khan an thilthaw maksan tawpin an zuia, an ina la va fea an sung le kuohai kawla an fena ding le an zui ding thu va hril khawm um lova an zui tawp ngamna le Isu Krista zui ding chun mani in suokruok a ṭul zie le Pathien ti ang anga ei chunga hung tlung dinga in pek zo na chau hin A hnung ei zui thei tak tak chau a nih, chu chun ti thupui hmangin thiem takin a hrila kan hlawk pui hle.

Ka hringnun ka thlir leta vawisunchena ka hringnun chau ngawi ngawia uma kan ngaia, harsatna le beidawngna tlak buoka ka umin Bible chang “Lalpa ṭhatna hmu inring naw lang chu ka chau ta ding a nih” Sam 27:13 ti hi ka hringnun kei hartu le Pathiena ka beiseina suk hrattu ani rawp hlak, Pathien ṭhatna hmu hi inring ngam ding a nih, chu ṭhatna hmu ding chun ei thei anga Ama ti chu harsatna hmun le inzak na hmun khawm nisien zui ṭawk ṭawk le thaw ṭawk ṭawk ding a nih. Abrahamle Sari (Hebrai 11:11) chanchin ka ngaituoa tar hnunga nau nei thei dinga Pathienin a zuk siem eldam kha a ropui zie le Amaa ringna innghat ngamtu hai ta ding chun a thil thaw thei zie a tarlang hne hle nin ka hriet hlak,chu chau chu ni lovin vana arsaihai le tuisuoriet kama phaiphin anga tiem sengnaw thlaan la nei ding a la ti deu deu, ringzo man chu a um ngei. Mari chanchin hi ka ngaituo po leh Pathien ropui zie a min hriet thartir hlak nin ka hriet (Luka 1:26-56) Lalpa suoknu a ! ni zie le Pathein ti ang taka a chung hung tlung dinga inpek zona leiinkhawvel intlantu Isu Krista nu a hung niin vawisun chena Isu chanchin hrilna taphawta Mari chanchin hi theinghil ani ngai nawh. A zuorpuinu Elizabeth in, “Nang chu nuhmei lai poah inpaktlak i nih”a ti hiel ani khah.

Tamtak chu hril ding um ngei a tih, Pathien ringzoa Amaa intuklut hi ei thil thaw ding reng ani, harsatna le hne banna tamtak tuok hlak inla khawm Pathien hring ringtu hai eini na tak hi midang neka ei danglem na anih. Chau chang ni um hlak sienla khawm Lalpa thatna hmu dingin ei ringna hai suk hrat ei tieua, Pathien kuoma athara inpea Ama lawm zawnga umin beiseina thar neiin kumthar le Christmas ei hma bak mek khawm hi Pathien mithuoi dan angin hmang tum seng ei tiu, chubeiseina chun Lalpa ṭhatna min hmu tir ngei raw seh.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s