Ami hung phone chuh!


Zantieng vawikhat chu ka college tin sawl  em ema ka zuk zal hadam ka ti lai tak chun ka phone pakhat lem chu a hung in ri ral rala, hi phone kher hi chu mitam takin a number an hriet naw leiin number ka nei lo a hung phone chu mak ti takin la el lovin ka to san tawk tawka, a hung in ri nawk el naw lei chun an hung dial suol ning ati tiin hadam takin ka in san taa, ka in kar chun vawihni dang a lo in ri nawk el chu ami hri hlak ngei ani ding zie le khawlaia inthawka hung call am ana ti hri ding chu zuk trace ka tum taa.  

ka computer le internet chu suk hringin a number digit sawm chu online chun ka zuk trace a..ui karei!! Service Region: Goa, Signaling: Vodafone le Service Type: GSM an ziek kuoa, mak ti tak chun ka computer screen chu ka en ringawta. A tu khawlai mi hung call am anta ding chu aw tiin ka tlunglu a buoi map map hle, Goa a chu ka ruolp MBBS in chuk ve a um ti chu ka hriet ngeia ama number hlak ka neia, ka zuk indawn de khawm chun ama ani naw thu a mi hung hril fel el bawk si..ka buoi deu deu..a tawpa chun ka lungril ka siem fela hienga mi hung call tum tu hi chu atu tu khawm nisien a hung call nawk vei chun lo pick up tang ka ti tiin.

Zantieng chun ka thaw dan pangai ang bawkin dawra fe ding chun kan siem a chu lai tak chun annawm ka phone hung in ri nawk chu..ka zuk pick up ta ngeia, nuhmei  fel tak rawl ri innem deu si ngaino bei tak bawk si chun, “Hello, Jonathan ini?” ami hung ti el chu ka pang atim deu suova, aw ka ni ngei tum ina ka zuk ti chun an nui ri ker kera, kei chun a number ka lo trace le a hung call na hmun ka lo hriet dan le ka number hi mitam takin an nei naw leiin ka lo pick up el naw thu chu hawihawm tak chun ka lo hril vat vata.. An hril nuom el naw lei chun hun ka ho naw thu le fe na ding ka nei thu chu hrillin ka si pek tawta.

Hieng mi hung call tu inhril nuom lo hi ka ngai thei naw zawngtak ani baka, phone hi a pawimaw na naw a chu hmang hi ka thupui tak pa annaw leiin ka zuk si pek hmak chu pawi ka ti naw reng renga, ieng tin am ami ngai ding khawm chu ama ngai dana hring le khawsa kan naw lei chun pawi ka ti bawk nawa.. Tulai nunghak le tlangval tamtakin hriet ngai lo inden deuva an hang phone el thei dam hi kei Standard English High Schoola pawl sawm khawm pass phak lo pa hin mak ka tinaw thei naw, a ieng ieng khawm chu lo ni ta reng sien mani hriet chieng lo an tha le tha naw chu thudang, ieng ang mizie am an nei khawm chu thu dang lo ni nawk ta pei sien, phone neka mizie inthup theina hi a vanga ka hriet chieng em lei hin nunghak tam takin pasal hung phone phawt lo biekthat el dinga an in ngaina le an bat ang ela an lo biekthat hi kei chun pi le pu hai fai sa ring lai hun khang ang neka beisei ding dang nei lo lai huna ei la cheng zie a suk lang nin ka hrieta mak chu ka ti thei ngawt el.

Mizie dang dang nei hi khawvela leng hai lai hin aw ei hriet chieng hai le in phone neka hlu hi a um thei dim ani aw ka ti hlak, ei hung in bieka eiin hriet chieng el dam ati an la um nawk ta deu deu, mak hi chu ei mak thei tho anih.. In hlemna a khawm a tawp khawk, ngaisuk that na ding chi nilo, a then lem chun inhmu der lovin in phone le sms lei damin an lang ngaizawng nawk ta deu deu..a taluo a khawm a bilkul ta deu leiin pathien rem ruot ani lem chu kahaseh ani tawp! hahahaaa.

Ehe! ka lo sermon ser rek talu anta chu tie..zuk lut nawk inla kha nu bawka khan. Zan dar 11 vel niin ka hriet ka phone bawk chu a hung in ri nawk taa, Hello a ka zuk ti le in ruol chun,”************ ka nih, mi si pek ta naw la thil kan dawn nuom che ani” ami hung ti el taa, ni dang high school ka kai lai thlarau lo in ta hnung kha zuk keithoin ami zuk vuong  kir vang vang chu ti, amanu chu ka class mate hlui tuta MBBS lo in chuk ve alo ni zing chu..a rawl ri ka hriet nuhnung tak lai khan chu kan la naupanga, kan pheikhawk khawm sehriet pheikhawk, uniform khawm kartawp ting chu a rawng pil rawnga in chang hlak, var na nei ta ngai lova bal hlak, time table hriet naw leiia mawngtam kan daw ngun lai hun vel kha niin ka zuk hriet theia, ka khu a suk sawt em ema. Sawttak kan in biek nghe ngeha, a tawpa chun a thil min dawn nuom chu iem ana tiin kan dawn taa, in zak deu si hril tha ngam rak loin thu dang danga mi  fe pel pui tumin a hung khal kuola, thiem takin pasal takin tha deua kan dawn hnung chun athil min dawn chun ka pang a suk tim ur ura hi ngie hi ani awm hi Pathien hung tir chu ka ti nuom vang hnung chun (mithen tam tak chun ti naw ni hai khawm ka ti ngam naw ie haha), khawvel in vir ruola in vir pei kan ni thu le khawvela hin Pathien naw chu in nghatna ding alo um naw zie, ngaizawng nei hi ka thil nuom tak pa ani tak naw zie le ei ringtak hai khawm, a harsa le an hawi, rinum le lawmna ei lo hraw pui ta hnung khawm an mi lo in phat ngam zi le ka thil tuok ramtin chu ka zuk hril mawl mawla, Bible chang Sam 73:25 lo tiem ngei ding chun kan fui ta lema.Mak tak chu anih, ka thil ziek tiem thei ding le hrithiem thei dingin Hmar an naw leiin a hming em chu ka la zuk thup tawk tawk anih chuh! hahaha

Tiemtu tlangval-nunghak hi lo hri ve meiu mei rawh, i hriet ngai/bek lo/ ngailo mi in an hung phone ni che a um el thei, chu nia chun phone a in suk cheap mei mei dinga in din le siem ini naw ti kha nanga chieng ker kur rawh!

Chuoilo parin chuoi ni a neia, kumtluong par khawmin kumtluong a dei si nawh, vanglaini le thatlai nihai hi Lalpa thanglo chun teplo el an nih. Hunhai an liem peia hnuoi hlimna hi chu a bo hlak, khawvela lawmna a kim thei si nawh.Hi ku hi i hla ni naw ni tunam ti thei anta huissssssss…

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s