Kal Chawidan Ka Thiemthei Naw..


Image

-Jonathan Lalthanglien Inbuon

Jorhat, ziengtieng, karhni deu thaw ruo lo sur dur dur hnung chun khuo a hung tha ve tan taa, “Ka phurrik amin zang tah” ti ang el chun suom ruotui phurtu hai khawm chun van boruok chu inkieng san zai anlo rel taa.  Phuba lak ni awm fahran chun nisa lum chun a sin ngai bawk chu hung thawin sabawn hekna hunbi a chun ami lo in her lut pui ve nawk thuoi el, a lum thei em ema veng boruok chite bek zuk hip hi ka taksa chau nilovin ka thlarau thlakhla tak ani el awm ie! Alo sawt nawk dei ta chu tie June 27 laia ka diary ziek ka zuk tiem chu..

Khawvel sik le sa a hung intlak a, hna hlui hai tilin hna thar a hung in der a, chu ang bawkin khawvel mihriem hai khawm ruoltha thenkhat le hmangaitu thenkhat in fam ro lungmuol an mi lo liemsan a, duthusamna khawvel, du ang kim si lona hringnuna hin nitin zingkar in hmataka inthawkin zantieng a hun ta em em ie ti hnugna hin college an min tin tir nawk cho hlak si, khawm chun vai hai ti dan takin ‘Kamur’ an milan faktir nawk zeka..zana hlak duty an la ti kuol naw khanglang..hringnun hin a min thanglien tir tum dan hi chu hrietthiem an takin ka thu a va um naw ngei de aw ka ti vawng vawng hlaka.. Lam in phei le inhawi chu ani naw khawpel!!

Boruok a hungin phan tana, zan a hung sawt changin ka theinghil thei lo ka high school kai chena ka Pa le zantina kan in partner na thu mawl kha, zana hin lekha ami tiem pui zie hlaka, zan lekha tiema mengsawta ka Pa lawm ni kha ka nuom thei em ema, thlasik chang lem hin chu zan a sawt thei si, zan sawt tak nidinga ka ring hnunga sana ka va en chang hin dar 9 khawm lan ri ngai si lo, a fe in awi ka ti thei bawk kha tie. Tu hlak hin ienglei mani ding naupang lai minute khat kha second khatin an thlak hiel mani ti dingin dar 9 dam chun bu ei hei fak nawk cho si.. Final exam zoa saihlum hruola ruol hai le vate pera fe, selaite siem fawma in do tehlem thaw annawleh marble in per ti hai vel kha ka khawvel lo hmang dan chu anela, kha khawvel kha tulai thumb generationa naupang lem hai tadingin ‘thring’ ni sien khawm ei nun kha a boring ve zung zung naw a, kha khawsakna hai kha harsa in rethei hle sienkhawm nun kha a va hlimin a lova thienghlim si de aw.

Vawi khat khat khawm hostel la um ngai lo chu Pathienin Ama ringzo tu hai hnina a suktlawn pek ngai naw zie ka chunga hung suk chieng nawk zuolin Medical college ka chang ve ta hlau ela, hostela ka khata ka umna ding single room ka la hmu sa bawk, ka nuom tak le phu lo taka ka lo tin zawn ve ren ren, mitam tak khawma an lo beisei ve, ka hang hmu biek el chu ka lawm em ema. Seat ka hmingin a um ve ni ti an mi hril ni kha chu ka piengthar ni nek chun nep met sienkhawm mihriem ram taka chu ka dam sunga ka nia ngei ngei ding ka hriet ni khawvel chanchintha ka dawn ni a ni leiin inchik tlak tak niin ka hriet. 😀

Khawvel ram taka chanchintha anga ei lo ngai khawm kum 3 ei hang pal zuot ta hnung chun chanchintha tak tak ani le ani naw ei saikar nuom deu thaw rek ta chu, a tu zir naw rek manta ding, kei a zir naw am ngaia nei na lei? Hostela um ngai lo chu thukhata hang deng bum inla vai ruol le zantina inchung hangin tawm chun ei nunphung, ei toubul in ang naw zie le dam ka hmu suok deu deua..A ieng ieng khom chu ni sien, chuonga vai tlimpui, inzi nuoi nuoi kara ka um lai chun, anni lai taksa putin um lang khom, anni lai ka thlarau le ka ngaituona a cheng tlat nawh. Ka hmel le anni hmel, ka du zawng le anni du zawng, ka hlimpui zawng le anni hlimpui zawng, ka ngaisang zawng le anni ngaisang zawng a’n ang nawh. Hnuoi phek hmun khat kan hluo a, sienkhom ni tina ka ngaituona le thlaraua ka chengna  le anni chengna chu hnuoi le van tluka inhlat, thlierkar tum dai a nih. Kei ka du zawng sathu, sithu, ngathu le thu dang dang inlalna a chun anni du zawng mawsawla chu a rim inhnik le siet dan khom inhlat tak a nih. An pathien ban sawm nei le ka Pathien ban hni nei hrat dan khom a’n ang nawh. Kei ka baua far khat khawm zu le beer hrim hrim la lut lo khawma hlim ve thei em em ani ruok chun hlim ding chun zu le beer dawn ngei ngei dinga in ring sa zing. Ka lekha tiem tawm zata mathei lova ka tiem ngei ngei ka Bible le banga ka tar Bible chang hai khawm hi ani ta ding chun iengma lo khawm ani thei. Kei hlakin an pathien sa fak chu mihriem thaw ding hrimah ka ngai tlat bawk si. A sa tak nek hmanin a phingpui dam ka la du lem nawk tah deu deu. inchung khatah cheng si, intawk zinga inthrung le zal khom hi nuomdan le ngaidan in a zir tlat naw chun thlierkar dang daia cheng ei lo ni thei a nih.

A kar chang hin chu kan hotu vai hai pumin ka zuk hnam hrut vawng hlaka, an rim siet thei leh, ei neka dung insang lem ani chun, zak rim ti vel hi chu variety dang dang inhnam ding ei hnieng-in-hnar thei khawp el a. Neka dung inhnuoi hai hlaka, an lu rim thum taluo’n hnarkuo inphalam thak lovin an hung in nawrvtir nawk a. Hringnun tluonglam ei hraw laia rinumna ei intuokpui tamtak hai hih, theida a awl a, ei Pathien, tap chier hla inzawt khumna taka hmang khawm a awl hlak a. Amiruokchu, ei ngaituona kawt kharhai hawng lien a, ei ring Pathien thu leh ei suimil chun, umzie le manhlana an nei seng a. Ei nun rama di’n inchuktirtu an ni seng el hlak a nih. Ka thiem lei le ka phu lei khawm ni biek thak lo ka that lem bik na khawm um thak lo hi hmun ka chang ve po khawm hi lawm el ding bah. Kut le ke kima ka hung pieng el bakah, lungril pangngai putin, mi angin inchukna tieng thiem insang naw lang khawm ruolpawl tawka kan inchuk ve po ta khawm hi malsawmna a khawm malsawm nawk zuolna a lo ni e, chuleichun, ka va lawm de Lalpa ti a lawmthu hril hi chu ka lo va bat nasa de aw tiin tuta I tiem mek hi ka hung ziek suok ve hram ani e..

Jorhat, 15th Nov., 2012

5 thoughts on “Kal Chawidan Ka Thiemthei Naw..

  1. them thiem dep2 ie
    chun……
    Kei ka baua far khat khawm zu le beer hrim hrim la lut lo khawma hlim ve thei em em ani ruok chun hlim ding chun zu le beer dawn ngei ngei dinga in ring sa zing.
    hi lai lem hi chu in pak i um zuol ka ti

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s