Immanuel


19092010463cghmfhjthjth

“A hming dingin Immanuel sak an tih”…..Immanuel chu, `Ei kuomah Pathien a um’ tina a nih. (Matthai 1: 23)

Vawikhat chu kan ruolhai accident an um leiin college hospital ah kan zu kan ve a, chuni tak chun accident dang pasal pahni hi an lo uma casualty chu an buoi rem rem hle, keini chu a student kan ni leiin security in hospital chu dam naw le a nghak tuhai cho umtheina dinga khau taka an veng ni siekhawm kan nuom dan danin kan in lawn thei hlaka, chu ni a ka thil hmu chun ka lungril a tawk hlea, Pathien hring neitu hai ei lo vangnei biekdan le Pathien hring nei nawtu hai beidawngna hmuna an beiseina alo tawpzie le an thlabar dan chu an bawk an nama doctor haichu an theitawpa an hringna san pek ngei dingin an biektha mawl mawl el, ringtu Pathien neitu hai chun doctor hai doctor chatuon Pa beidawngna le thangpui tul huna umna hmun ainthawk zukbiek el thei nei hi chu ka vangnei de aw ka ti a.

Pathienin suol a tlu ta ni inla khawm a mi umpui zing zie le suol chu maksana Ama le ei cheng hmun khat nawk thei nadingin zawlnei Isai (Isai 7:14) le Mika (Mika 5:2) hai kuoma dam le zawlnei dang hai kawla khawvel suol intlantu ding Isu Krista hung pieng ding thu a lo in hril lawk tira.

`Thlarau Intheing I chungah hung tlung a ta, Achunghnungtak thilthawtheina chun hliekhung a che..’ (Luka 1:35) hi thu neka thu thlamuongum hi zawng ding ni in la khawm hmurawn bek bek naw mei atih, Mari khawma pasal nei loa in rai ding nisienkhawm, “Ngai ta, Lalpa suoknu ka nih, I hril ang tak chun a chungah hung tlung raw se” (Luka 1:38). Pathienin a umpui ding ani leia Pathien ti dan dana an pekna lei khan vawisunni chen hin Mari hi nuhmei hai lai po po ah ala hamtha lawr lak anih. Mari hi an venghaiin an dema an hrilsiet ti khawm hmu ding a um nawh, um naw bawk a ta. Pathien umpui zing ni hi tlak hlak a va um de. Khawsak mivar hai khawm kha Pathien chun a umpui ngei chun in awm tak Lal Herod kuoma kir nawk lo dingin manga hrilin an um el, (Mathai 2:12) lo kir nawk hai sien Isu pieng na hmun chu Lal Herod in lo in dawn ngei a ta chu chun Lal Herod chun va that tum ngei a ti. Tira a umna san a thaw zohma khat chu Pathien in a veng zing, Lal Herod in Bethlehem vela naupasal kumhni hnuoitieng hai po po an that tir ding lei khan Aigupta rama zam hmang dingin le Lal Herod thi hnunga kir nawk dingin Josef mangah vantirkoin an hriet tir reng a nikha.

Pathien hin a thangpui nuom le Ama a ringna in nghattu hai kuoma chun an harsatna le beidawngna a thangpui ding zingin an tiem ani reng anih, chu cho khawm chu an nawh Isu a thi a ni thum hnunga ropui taka hnena changa amin tlan zoa a thonawk khan a thuoihruoi hai kuomah tlangah thu ala hril a chu taka chun, “…In ta dingin hmun siemin ka fe ding a nih. Chun in tadinga hmun ka hang siem chun hung kir nawk ka ta, ka kuomah lang ka ti cheu…” (Johan 14:3). Isu hin a thuoihruoi hai cho kuoma ati ni lovin vawisuna eini hai Christmas hmang mek ding hai kawla khawm hin ati ve zing anih. ‘Immanuel’ Pathien ei kuomah a um zing ei harsatna le ei beidawngna ei in tlun huna mi thang pui ding Pathien hi hnai zing ei tieu.

Jorhat Dec., 15, 2011

(Hi article hi nikum a http://www.sielmatktp.ici.net.in a dinga ka lo ziek ve ana, ka blog ah ka hung thun thuoi)

2 thoughts on “Immanuel

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s