Luthluok tawl


02102010608jnt

Kan in exam lai khan chu ziek ding tha ka ngaituo dawk nasa thei vei le hun awl ka zuk neia zuk ziek tuma kan thung char hin ka thil ziek dinga ka lo siekhawl hai popo kha an bo map hlak chu tie. Exam lai hin chu news paper tiem dam hi ka tei ma thei em em ringawt, a hma a ka thaw pei lo, thaw ding tina ka tin khawm nilo hai dam hi thaw an hawi zuola. Lekha tiem hi chu alo harsa hle chu ani awm hi..buoithlak ngei!

Kan in exam lai ka ruolpa in ami hung message a, “Bai, ka luthluok hi a tawl zo antah, hriet thei mumal ka nei ta le” ti message chu ziengtieng in hma dar 1 vel chun a hung thawna, ngaituona sei tak ami pek nghe nghe chu tie. Ama chun a lekha tiem rawn talu a dit tawk anga a hriet vawng thei ta naw beidawng chu ani ngeia, kei khawma ka lo Amen pui nasa hle. Ei kikawr mawng in ek vanga inthunga ei hei tiem ta hnung ei hang en nawn nawka ei vawikhat tiem na ang ela ahung um el dam hi chu a lo pal ta hai chun lungsen umzie chu hril tul lovin hri thei seng ei tih. Ku chu luthluok tawl symptom pakhat chu ani der anih.

Pakhat ka la hriet dawk thei sun zuk ziek ka tum chu ana, ka la ngaituo dawk vawng thei dim chu? Ka hril tum tak lem chu a lekha tieng ni lem lovin ei nitin nun ram hrawna a tawlna sumpui min tuom vel na thu a ni lem dei.
Khawtlang nun le insung dunga tawlna tam tak the thei ani zing lain a hlawp puiin hang the tla rum ei tum anih. Nu le Pa nau enkawl thiem naw leia nau hmang thei lo a tawl el nei chu ei ni hnam a khawm a za tel um ei tih, chung hai chu hausakna hmang thiem naw lei dam, nauhai dit dit le that titi amen pui vawng dam, nu le pa kohran le khawtlanga in hman taluo a nau hai enkawl hman naw dam hi a ni deu tak awm ie. Kan venga nupui fel tak el thuhril ka ngaituo dawk hlaka, ama chun, “In ropui tak bawl nekin nau bawl a hlawk lem” ati chu tie, nupui tete tia hmusit el ding chi ani der naw, vawisun hin a nau hai chu mi ropui tak tak ani deu vawng anta.

Nau enkawl thu hril ding chun nau nei kan naw chu thukhat, nuhmei nei khawm kan naw bawka, qualify loa khawm qualify lo taluo over ka nih, sienkhawm ka hmu ve dan le ka ngaidan le thil indik ni awma ka hriet hai ka hung ziek pei ding anih.

Nu le pa in ang lo tak tak an uma, an nei sun sun, nei baka nau inchukna ding ngaisak, an lekha tiem in thung puia, an tlawp ani ti in en tira mengpui le zing tho pui tamtak an um zing lain inchukna chu uniform le an lekhabu an in chawk pek kim thei chun an thaw ding po thawa in ngai pawl an um bawka. A hnung lema nu le pa hai hin an thaw suol deu tlangpuia, chu tawlsuolna chu ani tuchena ei khawtlang in ei thaw hla tak chu. Eiin thang lien thei nawna, ei hnung tawlna, hnam dan hai mi hmu sitna..luthluok tawlna dinga tawl lova tawllo na dinga tawl..Bible khawma chieng takin Thuvarhai :6 in ami hril khawm pass zo lo nule pa ieng zam an um ding? “Naupang chu a hraw ding lampuia chun inchuktir la, A hung upat hnung khawma chutaka inthawk chu pet ngai naw nih.” Thuvarhai :6

An nauhai hi ei him biek vawng kher le, nu le pa hin harsatna leiin an mi enkhawl thei mumal lo khawma an um thei, chunga khawm chun mani a in zawng suoka thei ang anga mani inchukna ding ngaisak chu tawl te tak meu ei um nawk si, ei tul popo an mi pek hnung khawma ei la hang ngaisak naw lem hin chu nu le pa thu khawm an ta naw ei awina hi Pathien thu ani ta. Ei nu le pa hai chu lo mawl deu hai sien khawm ani thu inza hi vangneina le an thu inza loa hel hmang chu an tawp na ding Bible khawma chieng em ema a ziek sa dim anih. Exodus 20:12 “I nu le pa chawmawi raw: Lalpa I Pathienin a pek che rama hin I nihai chu a sawt theina dingin.” Nau hel hmang hai ei chan ding chu Thuvarhai 20:20 “Tukhawm a nu amanih, a pa amanih tawnse inphurtu chu a khawnvar chu inthim sampupna laia chun herhlum ning a tih.”

Mitin in dam manah miropui deu ni chu ei nuom senga, a nuomnaw um der naw mei nih, kei hi a nuom laia chu a first line a inthung pawl khawm ka ni el thei anih, a roll number zawng hril lem chun roll number 1 vel ka ni kan ring, sienkhawm ei tlaksam tak chu teimakna, takningna, tuor fan fan peina, tei rei peina, insum theina le adang dang. Hienhai hi ei hne ban thei pha chu ei nu le pa hai rienga parthi mawitak in awr tir an tluk ning ei tih.

Ieng le khaw leh ei nu le pa hai hi zurui, damdawi thaw, inzawr, sumfa ru chieng mi le nitin fakfawm zawng el khawm ni hai sien Pathienin ei hnuoi Pathien dinga ami pek hai an ni lei hin an thu zawm hi a tha tak awm ie. Kum tamtak lo in ngaizawng pui the dinga an mi ti the tak chu a harsa fet dim, kala tuok ve nawa..a tuok hai chun hri mei naw ni ham hahaaa

Tawi thei tawpa ka ziek anih, inchuk lai ka ni leiin lekha inchuk tieng ka hung target deu anih, lekha cho lo khawm ziek ding chu a tam hle. Vel nawk ei hung sunzawm pei ding anih.

Jorhat 14th, Dec. 2012

One thought on “Luthluok tawl

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s