Pathien Remruot Zui


Capture

Jonathan Lalthanglien Inbuon

Septemer thla tawp khan exam kan neia, kan in exam zo chun chawl karkhat baka Puja le Diwali chawl kan nei nuol leiin Gauihati le Shillong a chawl hmang dingin kei khawm zan bus in Jorhat ka maksan vea, Zingkar in hma chun ka ni hai in Pillangkatta tieng ka pan phei hnek hneka, nasa tak le theitawp kheltienga ka tiem nisi ka dit anga lungawi tawka thaa ka exam ka ziek thei naw chu ka ngaituo dawk po le ka lung a suk hawi naw hlaka.

Inrinni zan vawikhat Dr. Rebec Sinate hai ina ka va rieka a ziengkar Pathienni bufak tawm sungin khawmna a nei na a chun America mi lekha ziekthiem, sumdawnmi le thuhrilthiem ni bawk Pathienthu awi em em Zig Ziglar lekha ziek le Pathien thu a hril hai chun vawisunni chena ka hringnun lam ami siemtha pek baka, ka thil ngaidan hai ami her danglam pek nin ka hrieta, ka lawm em em. Zig Ziglar chun, “Mitin ei thil nei hai hi tlawmin insit um sienlakhawm Pathien kuoma lawmthu hrila Ama inpakna a hmang ding ani zie le ei thil neia chun lawm ding le lungawi ding ei nih.” ti thu anih.

Ei Hringnun tluonglam ei hraw laia rinumna ei intuokpui tamtak hai hih, theida a awl a, ei Pathien, tap chier hla inzawt khumna taka hmang khawm a awl hlak. Amiruokchu, ei ngaituona kawt kharhai hawng lien a, ei ring Pathien thu leh ei suimil chun, umzie le manhlana an nei seng anih. Ka thiem lei le ka phu lei khawm ni biek thak lo ka that lem bik na khawm um thak lo hi chen sungkuo kima ami thuoi el baka inchuk zawm theiin hringna le hriselna tha tak ami pek dam hi lawm el ding bah. Kut le ke kima ka hung pieng le, lungril pangngai putin, mi angin inchukna tieng thiem insang naw lang khawm ruolpawl tawka kan inchuk ve po ta khawm hi malsawmna a khawm malsawm nawk zuolna a lo ni e, chuleichun, ka va lawm de Lalpa ti a lawmthu hril hi chu ka lo va bat nasa de aw tiin nasa takin kan ngaituo thara, a hnunga ka ruolhaiin ka exam result a suoka ka pass ani ti an mi hung hril hnung lem chun Sam 73:25 ka lekha tiemna banga ka tar kha ka mithla in a hung in lang var var chu tie. Pathien hi chu alo va tha ngei de aw.

Christmas ni le chu ni tlawmte chau in ami daidan taa, ka ngaituo po le Mary hi inpak um ka tia, ngaisang um ka ti bawka, chatuona meidila ‘alum’ ‘ana’ tia chatuon a in rum le khek ding hai sandamtu nu ni a nuom na leia vawisuni chena Christmas zata sa fa tuom tuom thei eini po khawm hi a thlarau thang lo khawm lawm chu a phu ta hrim hrim anih. A Bible thu taka ei ngaituo lem chun lawm a um zuola, “Ngai ta, Lalpa suoknu ka nih, I hril ang tak chun ka chungah hung tlung raw se” (Luka 1:38) tia anina tlawmtaka Lalpa thu ang taka a chunga hung tlung dinga an pek ruokna leia Sandam nau hai ei ni thei zie dam hi ngaituo tham tak chu anih.

Eini vawisuna Christmas, Van pasaltha piengni hmang nawk mek ding hai hin ei nina tlawmtak le insit um tak khawm hi Pathieinn ei chunga tlung dinga a ruot hai le a remruot hai chu ringzo tak le hnawl loa zawm le zui ding ei ni naw am anih? Chu zawm ngam na chun beiseina thar le malsawmnan hmatienga ami la vur awm sia.

Jorhat, 20th Dec., 2012

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s