I Jass Die??


''';;;

Adam, Eden huona a khat choa a um kha Pathien khawma rem le mawiin a hriet naw chu ani ngei ding chu ni awm ana, a thangpui tu ding, a umpui ding Evi a pek der el. Adam le Evi kha zantieng zatin Pathien in an pawl pui hlaka, a kan hlak ani thu Bible a in ziek hmu ding khawm a um nghe nghe.

Ani pahni nei tu chu Pathien ani ang hrimin kei khawm hi blog ‘Ijassdie’ IJustDie khawm nilo, tulai tawng lam inriek dan taka ka ziek Ijassdie hi wordpress.com hai zara ka ta. Cyber world a ka in hmu nei sun ve. A pata bo chun mi tukhawma an nuom dan dana an tawkbuoi thei lo dinga ka rin kuol sunga ka ta ka ti thei ve sun chu anih. A lut le suok hai lo en le inchik dap tu guard sung um em emBlog stathin inhmei der lovin a lut le suok zat, ieng thu am an en le an tiem ami lo report zat zat hlaka (post visit). Khawvel rama tuchena hin ka kaiza vengtu ding mihriem nei loa in vai ni lang khawm, ka blog ka hang lut hin chu ka Lal nina a hung suok nawk hlak chu ani hih. 

Kum tam tak nei ngei dinga ka lungril ngaituona a ka lo riruong dei ta sa, sienkhawm computer ka nei naw lei dam le ka nei hnunga khawm internet tha tawk ka nei naw leiin ka pamtul ka pamtul ela, sienkhawm august ni 26, 2012 khan wordpress.com hai website a Ijassdie chu hmabak hri der lovin ka lo in register ve thuoi el chu ani khah. Hi chen chen blog post siem thei ding le ka sunzawm thei ding khawma ka ring lo. Alo tiemtu India hmun tin ram tina mi hai le foreign a um Hmar nau then khatin an lo um ka zuk hriet lem hin chu ka lawm na a zuola. Lawmna leiin ha bawk alo in lang nawk el hlak chu ani hih.

Facebook badge le Facebook Page (Find Us On Facebook) siem dingin then khat mi naw na zara siemin ka hung thun bawka, hi lei hin ka blog chu ama tawka ding chun an lar ve tat tho hi tie. Twitter account, wordpress account le facebook account haia anthawka comment thei ani bawk leiin comment nuom tu hai ta dingin a var zanga hi thil hi blogspot hai neilo wordpress in anei laia a uong pui chu ani hmel ie.

Ka lungril suklawm tu tak lem chu Ruonglevaisuo in a site a kum bula inthawka a article an suo laia tiem hlawm tak 5 (5 Most read articles of 2012 on Ruonglevaisuo.com)a tlang suokna a ka article ziek “I remruot dan hi..”  a 4 na hmun ahluo phak le vawi 1718 zet 31 dec, 2012 chena tiem a hlaw lei khawm hin ka lawmna le hi blog ka siem hi a tuchena ka lan sir naw na pha ani.

Hi blog hi iengliea Ijassdie ka ti el am ania ti in dawnnna hi ka tuok zeu zeua. Ka siem lai hun vel khan ka hringnun thlaksiet lai hun vel tak, thlarau le taksa, inchukna le ka nitin nun. Zawi em em, thi si lo dam chu dam kur si, hun liem hnung hai ngaituona leia khawsawtna; hmatieng beisena mi thuoi hlaktu kawl in lep ang ela in lep put put hmu thei lo ding aka mit in del lai hun sung. Ka zuk thi pawt nuom hun lai vela ka siem kha alo ni leiin IJASSDIE ani tawp el anih. Tu ruok hin chu khang lai hun khan tienlai an chang zo nawk ta leiin lungril a fang ve ta ngai nawa, fang nawk thei ding khawma ka mimawl ringa hin a ngaituo phal ta naw anih. 

A thuhma ka ziek a khin hang lut nawk inla, Khanga ka ta ti taka ka hang en chang khawm hin baksam na lien tak umin ka hriet zing ela. Nitam tak ka ngaituo hnung chun mak dang lam takin theme tleng dinga ka zawng lai chun a background a milim alo umnaw ni ti ka zuk hriet suok chun ka har huoi el. Khei leh! A background ding thlalak zawngin faifuok malamin ka computer a thlalak bawm hai chu ka tlawk kuol vela sienkhawm ka computer desktop a wallpaper a ka hmang ma hin ka lungril chu a hne tak tiin ka hung upload thuoi el chu ani hih. Hi thalak nei tunu kuoma hin phalna la der lova ka hung upload ani leiin mi lungsenna ding dam ka lo thaw ani pal chun in ngaidam ka hung hni mawl mawl anih. Hmar hnam puon ngaisangna lei le an thuom tu hi an mawiin, thatna popo lungkhawmna ang hiela ka mita zuk fu chat lein ka background dingin ka hung hmang el anih.Tum ana ti khawm zuk hril el chi nilo deu anih uo hehehe  Hai re hai..

Background a lim um le um naw chun an lang dan chu maw alo phur nasa hle el. An lang mawiin mit a hadam baka, a lim a ka hmang hin Hmar puon lai khawma mi mei mei hai sil pawllawt le in hlan el chi ni teu teu lo Thangsuo Puon, pasaltha le thangsuo hai kuoma an thiltha thaw leiia an in hlan hlak mawi taka design in an thuoma. Ka mit la tu taka la zuk ni nawk deu deu. A mawi nawna hril ding ka hriet ta naw hrim hrim el anih. Ei hnam puon ka ngaisang na lei khawma a background lim hi chu mawi ka ti zuol saw el anih. Mawi tieng panga chu 100 ah 100 a mawi nisen khawm ka blog chu alut a harsa nawk thunga, a lim um lei khan a load sung a sawt nawka. A lim um hmaa an load let thumin tuhin chu a load sung a sawt lem leiin nghak met a tul zie ding ani hmela, sienkhawm ka background hi ka ta ding chun IJASSDIE ani leiin pawi ti der lovin ka nghak tlet tlet el chu ani hih.

Mihriem hai khawm hi mani khat cho chun ei mawi hne nawa, ei u le nau hai, ei sungkuo, ruol le pai hai thatna le mawina zara inlang mawi le tha mei mei ei lo ni rawp hlak. Chung ang bawk chu ka blog ve sun suk mawitu le chei nal tu chu nunghak induong nal le hmeltha tak a hmel ka thup tlat lei khawm hi ani ve tho anih. Ama ta ding hin chu keikhawm IJASSDIE ani tawp el anih..

Jonathan Lalthanglien Inbuon
Jorhat, 8th January, 2013

5 thoughts on “I Jass Die??

  1. Ijassdie?? mak ka lo ti reng an naw kei khoma, anachu tuhin chu a umzie tak ei zuk hriet thei vang anta chu..i thup la chu a hri chu um tho ding an na, i thup sawt thei dim

  2. Vara Vartepa & Lalremruot ka lawm ie in lo tiem hlak ani maw? Hriet lo dinga thup a um a anti ang deu hin a hun a tlung hma chu thil hi mi popo hriet vawng kher lova thup alo tul hlak si.
    Mani hnam puon hi ngaisang ding le ngai nat ding ani reng ani..lawm a um ie in lo tiem hlaka.. very happy me 😀

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s