A pangngai, a’n dang nawh!


ds

Anyone that makes up they mind before they hear the issue is a fucking fool, OK?
-Chris Rock (Never Scared, 4th HBO Special, 28:22 sec)

Kum 2007 lai khan ka ruolpa Delhi a umin Chris Rock, Standup Comic, Never Scared (2004)a hung chawi chu vawisunni chena ka hlimpui le thaw ding neiloa ka um changa ka ruol tha taka laia mi, ka hun awl suk thamralna a ka hmang ala ni rawp hlak. Tuhin chu internet zarin Chris Rock standup: Big Ass Jokes (1994), Bring the Pain (1996), Bigger and Blacker (1999), Kill the Messanger (2008) le a dang dang hai ka nei ta leiin ka hlim pui thei hle. Midum hai hin khawvel an lo dap hne tak anih, iengkima a hin midum thang nawa a um ta der naw ti inla chu indik thei mei atih. America President chen midum ala zuk ni nawk nghal. Barak Obama presidential campaign tuma a khingpui John McCain hmusit taka bau thuona lo hmang tu. Ieng leia khang em ema Barak Obama alo tan el am ani ding tia in ngaituo chun midum le midum in tan chu thil awm tak ani hrim ani ti chu a dawnna indik tak ani hmel ie.

America inthlangpui a khawm hieng thil alo tlung ani chun eini rawi, election tawma mani vote zawra karkhat vel tlawr hluoma sa fak theina ding pawisa nei nuom hai bula nitin deu thawa a tlung hi chu mak lo tak thil alo ni hrim anih. A ram hmangai le hotu tha dit leia vote thlaktu lo um de hai sienkhawm a tam lem chu pawisa tlawmte dit leia mani ngaidan khawm sawisazwi thei lo ding khawpa duamna leia mit suk del hai. Hieng thil hi tulaia thil thar niloin tienlaia inthawka lo in tan, tuta dan anga ei nei pei hai laia mi pakhat ve cho lem chu a nih. Why, this fellow don’t know any more about politics than a pig knows about Sunday – Harry S. Truman alo ti dam hi ka ngaituo dawk rum rum chu tie. Mak tak el chu ei nih. A pangai, a’n dang nawh!!

Hringa indiklo a hring neka ti um hi tulai thangthar laihin zuk hril vung ding rak chu a vang hle. Muslim sakhuoa hringna in diklo a hring, fierfik haiin nitin deuthaw thichil bombin an hmelmaa an ngai hai an in riekrap pui lain eini rawi khawm hringna indik lo a zung thi thei derloin ei nun ram ala fang zing hi chu a pawin a suk dam dingin eini thang thar hai mawphurna liengko a in nghat ani ti thei nghil der anw inla nuom a um takzet. Chu hringa chu chi dang dang khawm ani thei, chu laia chun pawla hring bek bek el mani kohrana hring na det taluo, pawla vanram kai tum pawl hai hmakhuo ngaina leiin hi hi ka hung ziek dawk hram anih.

Hi hringa indik lo a ei la hring sung hin chu a tutu khawm dam khaw suokni chu mithi khuo ei tlung chenin tlumte thlir in ei thlir kumkhuo el ding chu ani hmel sia. Chutaka hringna indik lo, lu inhai hringa ainthawka min tlan suoka, khawvel eng var le mawi min hmu tir ding hlak chun Pathienin a naupa nei sun chu a hung tir nawk hmel ta sin aw leiin, a mawpurtu le hringna thara par anga ei hring na ding chun mani ngaituona sawizawi a, a tha le tha naw in buoktuo rawp hi mivar hai lo thaw dan le thaw ding hrim khuonu induongsa chu alo ni awm.

Kan high school kai lai khan kan ruol hai le mani kohran seng tanin theitawpin kan in sel rawp hlaka. Khang hun lai kha ngai umin tienlai lo in chang ta sienkhawm, vawisunnia kan ngaituo dawk nawk changin thil tullo chu kan lo va thaw rawn ve de aw ka ti nawk hlaka. Mani pawl tan lo chu tupa khawm um naw ni hai. Hmar hai lem hi chu a biek takin hnama hring lovin pawla hring deu vawng ei ni si. Mani kohran pawlin a ti le thaw ding ati chu Pathien rawl anga ngaia zuk zawm nghal el tum mihriem. Chu chun mimal chu kohran nekin an sang lem ka ti der naw laizingin, manin mani ngaidan le lungril exercise a tul zie ka hril tum na lem anih.

Midang kohran thaw dinga tlawp bar si lo ding mani kohran thaw ani leia thi ngama lo tlawp. A mawi nawna le a hmelsiet dan ding hri zing si, a kakhawk ding le hnam inthuruolna le in laichinna suk si thei dinga thil hung tlung thei hmu zing bawk, hmu naw tehlem in sira anti ani leia lo tan zing chun a maw phur tu le chu thil tha lo tak tlung thei ding lo lawmlut tua thang ve ini ngei ding anih. Chu chun ieng ang Pathien thu khawm hrilla I thu hril chu fak thlak ani ngai hmel meu naw. Chu chu niloa, I hnam in rieng tak te hi veng him tumna lungril neia, thang la ding le chu i thang lak na a chun i ti zawng deu hai lo tin aw zawng le i sung le kuo hai tinaw ilo tana an hnam che ani khawma lungai el lovin i thil thaw khan nang cho in san him nawa a hnamtu che le a hmusit tu hai hmakhuo ngai ani leiin an hung inhriet dawk pha chu inpak ila hlaw lem ding anih. Chu chu anih ramhnuoia selai chawia ram sana an nitin nun eini rawi ta dinga in hlan tu hai ang tluk thoa tangkai ini thei dan lampui umsun chu. Chu ni si lova hringa indik loa pawl tan tu dam ei lo ni pal chun a pangngai a’n dang naw ti bawk khan ei hnung tieng min an mi ti awm si, chu ngir hmun chu inzak um tak khawm ala ni thei anih!!

Breathes there the man with soul so dead,
Who never to himself hath said,
“This is my own, my native land”?
Whose heart hath n’er within him burned
As home his footsteps he hath turned… ?
If such there be, go mark him well…
The wretch, concentrated all in self,
…Doubly dying shall go down
To the vile dust from whence he sprung,
Unwept, unhonor’d, and unsung. —”The Lay of the Last Minstrel” (1805)

Hi a chunga poetry hi higher secondary a kan in chuok ka la hriet zing laia mi, eini thangthar haiin nasa taka ei nun rama ei hmang ding le ei tangkai pui ding thil. Mingo haiin 1805 laia an lo piengthar pui hi eini thang le thar pei ding hai khawmin piengthar pui ve inla nuom a um khawpel. Mani pawl le mani ta ding chaua hring hai ta ding tak tak in a tha in tuorna le muolphona rapthlak a tlung hman hma ngeia piengtharna testimony a hmang ngei dingin eiin ditsak bek bek anih. Chu taka inthawka piengtharna a hung um chun ei hnam chu a rienga ei rak hung re deu ata, in thuok theina lampui hung hrawin, nitelin hriselin, hmasawna tha lem in kal ami chawi pui lem awm si de.

A tawp taka chun, mitin eini hringnun seng eiin en nawn rawp hi mihriem eini na pakhat ani lei el khawm niloin Pathien min duong dan ani ang hrima ei thaw rawp ding thil chu anih. Election huna le kohran pawl thu leia lu inhaia simbuthut lamlawm thaw ta lova, manin ei hnam seng in vawi inla nuom a um hle. Chu in vawina a chun mani mimal hlawkna ding niloin, “Dam le thlang khata, thi le rum khata” ti thunawna hmangin ei ngaituona suk dar zau inla nuom a um takzet. Chu ding chun mi ti leia ngaidan siem el lovin, manin ei ngaidan ngei lungril thienghlim taka inthawkin lak suok le a tha le than aw dan ding buoktuo sa ani ngei ding anih. Chun chun ei dit zawng le tha ei ti zawng, ei ngaidan hril inla chu, mi puitling le hman in thang changkang pei sunga laituol leng eini zie ei suk lang na ani ding anih. Chu nisi lova pawisa tlawmte leia mani vote zawr, mani pawl in anti leia thi in huma lo tlawp ei ni pal chun ei hnam chu a thina ding dar vuotu le tur i pek hmel hri der lovin i lo vai rui ran ding tina anih. Thangle thar haiin vawisuna ei nun khawsak dan enin an nuna ‘a pangngai a’n dang nawh’ an hung ti ding hi I ngai ngam chi dim?

Jorhat, 14th January, 2013

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s