A ngaina um nawh!!


final tak tak 2

“Disappointments are just God’s way of saying: I’ve got something better. Be patient, live life, have faith.” -Author

Hmeltha le pieng nal tak lanu chu lungril el ngaituona po poin ei hei leng tlut tluta. Ama ta ding chun vur anga in tui ding khawma second chanve-chenve a zukin tui zawp pawr paw khawm eiin huom el ta hlak. Aium rila thotel an tang ang el chun ama zungzam chun ami man tang chat el ta hlak. Chu hmangina zunzama inthawk chun suok dan ding hrim hrim hi ei hriet thei ta ngai nawh. Min a sitna le that nawna an hril zuol po le dit na a zuol deu deu. Asanchu hmeltha lungril suol an um thei naw tia ngaituona invet thlak takin alo pieng nel san le chu ngaituona invet le thing thu buta inthawka ngaituona boruok fim dawng thei lo dinga lungrila indawivet na lei khawm lo ni naw nim. A ngaina a um nawh!!

Ni le thla hai hungin vawiin thlasik le nipui hai a hung tuor hnung chun chu hmangina zunzam khawm chu nitel chun siet tieng alo pan pei hi alo na. Sietna rapthlak Uirokuilo thilpui ngei chu tuorin apil ral lem el ta si. Hi ni naw nim tlangval then khatin,”Hmeltha ringawt chu iem?” anlo ti vet khawm hi. Kha lanu ‘san sakhmeltha’ kha maw a lungril a lo sie vieu chu, keiin hrietthiem harsa ka ti. A ngaina a um nawh!!

Bawng chal tuoi lo kei thei tawk, sawr lai zing hman a meia ei hei ula ami kheng el chun ransa neka var lema siem hai hi a chik taka eiin them fuok naw chun kheng el cho khawm ni loin intuol vuok nuom pawla inhrosa khawm an lo um ngai ding reng chu anlo ni awm hi.Huh!! Ei lanu khawm hi a soft corner (CHIK) taka ei lo thawng phak naw lei khawm lo ni naw nim ngaingamna tehlema, lemderna tuipui in sawk laia alo pil ral el hi. A soft corner taka zuk bei inla chu, “Valmawi nang le naw hin chu khawvel rinumna le harsatna intawmpuia hringnun hmang liem pui nuom tu midang khawm ka nei naw” mi ti el naw nim. Chu lei khawm chu ni naw nim soft corner taka thawng thiem tlangval hmel burip deu deu khawma nunghak hmeltha tak tak anlo innei pui rawp hlak hi. A ngaina a um nawh!!

Ei hringnun kal chawina a hin nitin harsatna le beidawnna eini tawk senga eiin tuok pui senga. Ei nuom thu le thu nawa pumpel le hel hmang san el thei anni si naw leiin, tlan tui far rak khawpa insuol pui el naw hlak chun hne bana damsunga chau awngrawp sawng el theina ani bawk tlat leiin hne bana inrem pui el hi alo tul hlak chu ani hih.
Mothar invet pakhatin a pasal hai bu panga bu hum popo ama khata suk vawng dinga an ngaituo chun a hawphurna le tha bo na inkawp; chu sukpung dinga mawlna a lo nei bawk lei chun a zam pha der ani kha. Nitin an fak khawp peia a suk ding ani zie hri sien la a pasal lo nei fuk zie le a vang nei zie an hriet ding vei le. Mawlna bawk hin mihriem lungril a fak siet hne mama chu ani hih. A ngaina a um nawh!!

Inchuk tu hai khawm lekhabu sa tak tak le intak tak ei hma sun hai hi thawk le khata hriet vawng tuma ei bei chun a tu pa thangtlawm khawma hri hne ngai naw nih. Sienkhawm nitin a bat bata inchuk le tiem pei ding eini lem ani. Chu ngei chun a soft corner taka zuk tham tang eita, thiem naw leia mark tlawmte-te hmuna hunbi haiin tin zai mi rel san tang anta ei nuom dan danin ei thai kuol ve el ding a nih.

Soft corner hri lo le bei fuo theilo hai hlak chun ei damsung ni hai hi tiem dan thiem thei lovin harsatnan tin zai rel lovin ami umpui awm si a. Thi hnunga khawm a “Alum ie, Alum ie” an nawleh “A thienghlim ie, A thienghlim ie” ti chenin ei chaw in ei hamtha kumkhuo awm si. Soft corner hri lo hai chun Van Lal lukhum khawm an chang tha biek em em dim, meidil a khawm a kang thatna athuk lukham lai vel in tal kum khuo pawl khawm an um ka zuk ring hiel ani. A ngaina um nawh !!

Iengkim hin a soft corner a tham le khik fuok alo ngai tak luo ding ani hi tie. Chu hri thei ding chun Pathienin lungvar tha le hrithei dingin mi thangpui sien, ei tum ram, lungmuong na hmun le ditum tak lemderna haiin hmun an chang ve phak nawna pielrala chun mi lan tlung ngei sien ei nuom leiin hi thu I tiem lai mek hi ka hung ziek dawk ve hram ani ie. A ngaina um nawh !!

(January 25th Friday, 2013)

5 thoughts on “A ngaina um nawh!!

  1. A story ka hmel hriet vet vuot baka…hahaha Lekha abua ansiemna san hi iem ana?? Iengleia phek khat cho a ansiem naw..salllaahhh Chulei chun a hmabak tiemsapa hriet bel pei thei natieng tukverah dâkkuol ahun..hahaha

  2. A ngai na um naw ,,a tim an hoi khopel ,,An dik a ni thil reng2 hi a chik a ei man naw chun chu ei buoi vawng hlak a nih,,

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s