Lengtulnaness


71852_153350528149979_334588059_n

“..I don’t want to live alone, hey! God knows I want to break free ..”–Queen (I want to break free)

Kum nga la lo tiem ta hnunga nuhmei nei lo hun tah, nei si lova la leng ker ku. Nei hun inkhel tienga tlawmngaina le hmuzoa naw lei khawm ni biek lova la leng ve hrim hrim, bawk sam kawl le sam intuok char hma bak tah. Nei chu nuom ve ta si, tlangvalna an thlakhla lei khawm ni biek bek bek lova mi la leng pui hai. Mi hmu zata,”Iengtikam nuhmei I nei ve ding?” ti zawna dawng lei ringawt khawma mi mo lawmnaa thang rin ta. Nuom chu nuom si asan phouk fawm pawl tlangval upa ka hmu chang hin kei ngei khawm ka hmabak ding chu an lang awr nin ka hriet hlak. Chu ngaituona tawphnawk tak kara chun beiseina chu um si, ring thei le thei naw khawm hriet thei ni bawk si lova kara hang leng tul naran ve tawp ding chun peing man khawm hi a um dim aw ka ti nuom deu thaw hlak.

Naupang laia ei neka upa a inhril, an lo lengtul ve lei mani ding ei neka upa nuom talo, a then lem chun ‘U’ mi ti nuom hiel pawl nunghak upa ka hmu hin, “Lengtar law law ang” ti hla bawk hi an lang nawk hlak. Huisss Kum izirin nunghak lem chun lengtulna stage an nei ve ang lawi si, chu title ngei chu mani a an in pek fawm, an awm tawk le phu tawk ang peia an sakhmel hmaikawr. Kum 18-22 vela lo upa ta nunghak hai hin chu nunghak ka ni an in ti tawp ela chu chu pasal an nei hma poa an nina ni awm tak thil indik lai popoa a neka indik thil um thei ta lo tluk chu anih. Kum 23 an ni tana in thawk an inti senior tana, kum 25 an hang pel chie lem hin chu senior tak tak a in ngai tah. Chu khel tieng chun chu an kum khawm hril nuom taloin a vawr tawp stage ‘ Sweet 16’ an inti ta char char el ani hih.

A tu thaw suol khawm an nawh, thlasik laia dei kher kher le lum laia lum kher kher khawm hi Pathein thil siem laia mi ani ang hin a upa biek deu. Mi mo lawmana a thingpui sem le inthla na hla sak rawn biek deu dinga malsawman dawn pawl hi chu eilo um ding hrim ani hi tie tiin kan ngaituo hlak. Chu hun chen chen chu tlangval hmeltha tak nisia hang leng ve mawl hi kan lau. Keia neka upa nunghak lengtul der ta Sweet 16 stage khawm mihriem ngai dana pel ta hai lem hi chu ka hmelsiet na khawm hi an hmaikawr in hmang ding ni hai sienla hmu thar thar dam an nei pha hiel el dim, pek hiel ka nuom el hlak chu tie. Hahaaa..

Ka ruol hai pakhat chun, “Iem buoina ding nuhmei khawvela hin an tam an nawm atia” an dik ve khawpel el, chu lei chu ni naw nim gynae/nuhmei tieng doctor hai an hausa biek thei em em khawm hi. Khawvela mihriem hai zatva hi nuhmei an ni ti inla khel hrila intumin mi khai hlum tum em em naw ni hai, sienkhawm chung ang tho chun pasal khawm an tam ve tho hi tie. A tam veve nisie lengtul hlak chu bo thei der lo. Hmu naw leia nuhmei le nuhmei innei ; pasal le pasal innei hlak bo bawk lo. Ei ropui naw tawl bakel!

Lengtul hai khawm mawsiet el ding biek an ni naw, a tu tu khawm hi khawlaia mani khan ei lo in sui buoi deu vawng khawm chu ni naw nim. Nuom le nuom naw thu khawm ni der lo dit thlang na khawm niloa lengtul laituol leng ka hang hmu chang hin kei ngei khawm hi ka ngaituona chu an vak hla ve thei tho hi tie. Inchukna ngawtin maw kei ka tawka ka that lai hun popo ka hmang zo ding? Chu zoa tar vang ta hnungin nuhmei ding la zuk zawng ding ku chuh ka ngaituoin ka na tlawk tlawk hlak. Chu natna ngei chu anih natna dam theilo: cancer natna ang hiela na, Saikot damdawia khawma a suk dam el thei ta lo ding chu.

Sienkhawm mitin hi ei fihliem biek der bawk si nawh. Nunghak kum 24-25 an hang kai hret hret lem hin chu pasal nei ding chu thudang ngaizawng neilo hai lem chu aw beidawngna khurthima inthawka in tlan dawk thei tu ding ta phawt chu an zuk nei mei mei nuom el. Anachu innei le in ngaizawng hi inkhelna ani sin aw leiin a thaw suol vek chu an chaw kumkhu ding ani bawk si.

Ka ruolnu Gauhati a um, medical student infuoina ka pek ve kha tie, “Final year ini vela ngaizawng, I pasala inei nuom ding tha deu lo huol lawk rawh.” Ani reng anih, inchukna ngawtin ei hun hai ei hmanga, thiem tak tak khawm, thiem rak naw khawm ngaizawng nei le hun thawveng nei hma bar lova um hai hi ei upa pei lai hin a ruok kaka sie that nei hi chu alo in thaw chi hmel khawpel..Khawhe keikhawm sie that ding zuk mel kai ka tih, tulai hi a hun tha ani hmel hi..an naw chun hmabak chu: LENGTULNANESS..

(Jorhat, 27th Sunday, 2013)

7 thoughts on “Lengtulnaness

  1. Lengtul chu in lau om de vang vangin, Ziek ding khom hi i hriet thei ie. i blog hung visit man a um but why not write in english?? 🙂

    • IN lau ve tho naw mei nim..ei hung upa ve pei anta hi 😀 Sap tawng kher kher hin chu ziek naw hram hram ka tum anih, asanchu Hmar tawng ziek indik le Hmar grammer hi ka thiem kalan ti tawk naw leiin..hun remchang deu huna hung ziek ve ding ni naw nim..mani tawng ngainat lei ani deu tak awm ie sap tawnga ka ziek nawna san chu..Chu baka what if people say i am no good?? 😉

    • u Darsangmawi – Article ziek hi thil awlsam lo tak alo nih..ka zuk tan dek deka an tak zie le a harsat zie chu kei ngai khawmin ka hriet thei ta..sienkhawm a reng a rama cover lo deua mani ti na lai po khawm ziek thei chu alo nih..a thiem deu hai chun mawi le nal deuin an cover vawng thei tu hin chu ei la thei naw deu ani hi 😀 Ty for visiting

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s