FACEBOOK: Cyber Paan Dukan


dfg“Boss, facebook hi chu cyber paan dukan ani hi tie “ – Marc Pawta

Mi ringum em em, thi le thi pui tawp dinga inpum pek zona nun keng kaw.  Chu ang  mihriem chu tam tak um hai sienkhawm kei ang chara zarda paan thi pui ngam, hmangaina nei, a hmelsiet ding, a thlak hnuoi ding le an dodal phal naw tu hi chu hringmi zaleng lai khawm hin an um dim chu. Chu chu ka danglamna pakhat chu ni ngei  atih.

Zukin lak liena inti thupui na ding umnaw sienkhawm,  ka nina, kan vet tutna, ka Lungtau invet, fei baw ngam thla ka nina suk chieng zuol tu ani awm chu. Ka ring chu ring tlut el, ka ti chu ti nghuk chi. Buoithlak na tak khawm ka um hlak hi tin am. Chu lei chun mihriem zuk ring nghal el hi harsa ka lo ti hlak hrim anih. Anachu ka ring ta chun ka ring na in phet thei mei mei lo dinga ringna nghet. Chung ang bawk chun ngaizawng nei khawma innei ngam ngei dinga nun hmangngaina nei mi nin kan hriet. Sienkhawm ka ringzo anga an um naw vei chun vanram nilai zing khawm thawk le khat lova meidiela zukin chang tir el thei  ka ni nawk si. Ka ti chu, “Ka buoithlak”

Ka naupang deu lai khan, kan venga khawm TV nei kha an la tlawma, tuta intina TV um ang hi chu ringna puitling lo a ka lo suongtuo hlak kha anih. Tuhin TV neinaw meu khawm ei um tawl ta naw. TV kan nei khan ka lawm thei em ema, light a var ta chun TV remote control inchu le ka en nuom en char char kha ka sin ding renga ka lo ngai tawp hlak kha alo ni deu hlaka. Ka unau hai en nuom khawm ngaisak lovin, ka en nuom kha an en nuom el ding anih tiin ka remote control chawi thuneina khan ro ka lo rel hlak kha tie. Alo mawl thlak ngei el!

Chu hnung sawt naw te in computer (laptop le internet chu hrillo) in ei hringnun a pawimaw na a hung nei tan lem khan chu chu, kan nei si naw, ka dit bawk, duthu ka lo sam hlak kha tinam. Manga dam ka lo mangin zingkar ka zawng ruoi chang bo lo. Landline telephone le mobile haiin hmun le pawimawna an hung nei tan peia, chung hai khwm chu ka pa sin thaw inrim zar le Pathien zarin vawisun ni chen hin a thangkai na le a thangkainawna hri thei dingin dawm sangin ka lo um ve.

Mihriem hringnun inthlak dang lam hrat dan le naupang deua kan ngai laia nupui then khatin, “Iengtikam nuhmei inei ding?” an mi hang ti ringawt el dam hin chu val lu an hai thei bakel. Sienkhawm khawvel inthang pei anga in thang ve ka ni leiin chung hun khawm chu ka hung hraw ve pei nawm ei nim maw? Tuta ei hringnun khawm lan rel fel lo chun hmabak chu a nini nidingin zuk hre hmang el ei tih. Pathien ti dan dan ni lem raw seh.

Ka duthusam laia lo thang ve,  Pathien zara ka ring neka ka dawng inhma thil ka chunga tlung chu: Laptop ka dit hun tawk le internet tha tawk ka nei hi anih. “Sin ka nei pha chu ngaidi ina um lang khawm computer le internet hi chu nei hmasatak ka ti” ka lo ti hlaka, tuhin chu ka sin nei ding le ding naw khawm ka hriet ni lo lai hin ka rooma ka lo nei ve kek chu anta hi tinam.

Medical college ka lut hlim khan project kan nei zeu zeu hlaka, chunga kan thil thaw hai chu Microsoft, Power Point hmangin seminar kan nei hlak bawk lei khan, dawha tha deuin ka computer nei dan ding mawl kha ka phana. Ka nei hnung hin, ka computer table am ka lekha tiemna table ahin hun ka hmang rawn lem ding ti dam ka ngaituo nuom deu thaw hlak chu tie. A ieng ieng khawm nisienla, medical college a vai hmelsie hai bula um chu ei ngaituona khawm hi a mumal thei rak naw leiin internet hmanga ruol pawl hi ka khawvel hmang dan le vai hai bula um kani kan theinghil theina umsun ani leiin ka lekha tiem ding ka zo chun makmawa ka en laia pakhat chu facebook mawl hi anih.

Facebook hi chu ka ruoltha tawp khawk el chu anih. Medical college a um kawr kher ding ti ziek a um naw leiin thaksa tha tawka thau nal pawl khawm kan uma, chung ang bawk hin, mithen khatin medical college a um ding si chun facebook I thaw pei an mi hang ti el hin chu ka lung bawk hi a sen nawk hlak. Ei nun ram pal seng hi a harsaa, chung harsatna kara boruok thienghlim le ruol pawl lo inhawi zie min hriet tir thar nawk hlak tu chu facebook hi ani leiin ka ta ding chun, venga bu fak khawpa Paan Dukan ka pan zie ang deua ka regular em em nasan khawm hi ni naw nim.

Sienkhawm facebook a mithen khatin an hriet ngaider lo an ruol dinga an zuk Request /Accept el hi chu mak ka ti nawk si anih. Ruol thar siemna ding le ruolhui hai le in pawl khawmna dawkan ni zing si in kei chu 166 char ruol ka nei ang lawi si. Facebook hi chu a thatna tam tak a um zing lain mithen: inngaizawng hai ta ding chun a thatna ra hmu ding chu tam he hu rak naw ni ti khawm ka ring. Inngaizawng haiin an ‘Relationship Status’ tha deua an ziek hi kan za a, nupa tha taka an relation an ziek khawm hi a mawiin nuhmei nei ami suk chak zawk zawk hlak. Chu nisi lova zawnglai ti in hri ngawi ngawia ‘Single’ an ziek ka hmu hin chu facebook hi ngaizawng zawngna an sawn mani aw ka ti nawk hlak. Ka buoithlak ka ti kha hri zing rawh.

Iengkhawm hi a mawi ei ti khawm hi midang ta ding chun alo mawi he hu naw ang bawkin. Awm deua ei ngai khawm hi alo awm naw deu thei bawk. Status update deu ngat ngat pawl, mi status le thlalak upload hai lo Like kim vawng pawl leh.  A taka tha lo, facebook sakhmela chu angel ienga tha, a taka ler facebook a ler loa titak deu an um ang bawkin a letling khawm an lo um nawka. Facebook kuhi inhlemna khurthim chu ani ngei el ka ti nuom vang hlak. A pawinaw vawnga ngai el ding ani hi.

A tawpna taka chu kei ka gawpna table a hin chu ieng ieng khawm hi an leng vawngin ka pawm zam thei vawng anih. Nunghak hmeltha ti zawng deu biekna ding ani phawt chun kar hni lai khawvar pawp khawm ngam pa hin facebook lo um hi chu ka khawvel internet cyber paan dukan famkimna ani naw ka tin aw thei nawh. Hla nal tawk takel ei hei ngaia nunghak hmeltha ti deu le ei hang in chat hin chu thudang rak chu an leng ngai naw chu ani hi tinam.

Bu khawp tawka ei hang fak zoa zarda paan inhnik taka ei bu fak hai ordain dinga ei hang lem pui ang hin, ei sinthaw sawl hnung, lekhatiem sawl hnunga facebook lungmuong taka ei hang thaw ngei hin chu vanram thlafuol dawng le chu inhawi tina nene tui naute phiengtam taka nu nene tui nek lawp lawp ang el hin ei lo khawpin inhawina in ami lo chen chil nawk hlak chu ani hih. This is Life!!

(Jorhat, 14th, February, 2013)

10 thoughts on “FACEBOOK: Cyber Paan Dukan

    • Lalremruot, thanks for visiting buddy :D..kan let dan hi naw ka ruolhai mi inspire ani hi..facebook hi tulai paan dukan regular deua pan pawl haiin an pan el ang hin a addict pui hai hin chu nitin eiin facebgook el lei hin cyber world a ding chun hi neka paan dukan a um thei dim anta ti leia ei hung ziek suok nawk ani hi 😀

  1. Tha kati em em chu…”A tawpna taka chu kei ka gawpna table a hin chu ieng ieng khawm hi an leng vawngin ka pawm zam thei vawng anih” Article ziek reng2 hin mani ngaidan eiziek lai zingin midangin iengtinam anmi ngai ve ding ti thlirna tukver a entu hai chu atiem anhawiin mi ngainat an hlaw hlak:)..

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s